იტალია მუამარ კადაფის ხელისუფლების ლეგიტიმურობას არ აღიარებს. ამის შესახებ ქვეყნის ქვეყნის საგარეო საქმეთა მინისტრმა ფრანკო ფრანტინიმ განაცხადა.
„ლიბიის ხელისუფლება არ განიხილება, როგორც ლეგიტიმური პარტნიორი მოლაპარაკებების საწარმოებლად", - განაცხადა ფრანტინიმ ევროკავშირის საგარეო საქმეთა მინისტრების შეხვედრის დასრულების შემდეგ.
ამავდროულად, იტალიის საგარეო უწყების ხელმძღვანელმა კომენტარი გააკეთა საფრანგეთის გადაწყვეტილებაზე აღიაროს ლიბიის გარდამავალი ნაციონალური საბჭო და აღნიშნა, რომ „სახელმწიფოებს აქვთ უფლება აღიარონ სხვა სახელმწიფოები, მაგრამ არა ალტერნატიული მთავრობები ან ჯგუფები".
შეგახსენებთ, რომ იტალიის პრემიერ-მინისტრმა სილვიო ბერლუსკონიმ საფრანგეთის გადაწყვეტილებას უწოდა „ცალკე აღებული სახელმწიფოს პოზიცია" და განაცხადა, რომ იტალია მხარს დაუჭერს საერთო ევროპულ პოლიტიკურ ხაზს ლიბიის კრიზისის დარეგულირებასთან დაკავშირებით.
