2015 წელს ევროპის ახალგაზრდული ოლიმპიური ფესტივალი თბილისში გაიმართება. შესაბამისად ქალაქში სპორტული ინფრასტრუქტურის განვითარება მიმდინარეობს, რაც არსებული სპორტული ცენტრების სრულ რეაბილიტაციასა და მათ საერთაშორისო სტანდარტებთან შესაბამისობას გულისხმობს.
დღეს თბილისის მერი გიგი უგულავა და საქართველოს ეროვნული ოლიმპიური კომიტეტის თავმჯდომარე გია ნაცვლიშვილი სამუშაო შეხვედრას გამართავენ. შეხვედრაზე 2015 წლის ევროპის ახალგაზრდული ფესტივალის საორგანიზაციო კომიტეტი დაფძნდება და კომიტეტის გენერალური მდივნისა და თავმჯდომარის ვინაობა დასახელდება.
