გავლენიანი საერთაშორისო არასამთავრობო ორგანიზაციის "ფრიდომ ჰაუსის" ხელმძღვანელ დევიდ კრეიმერის აზრით, ვაჭრობის მსოფლიო ორგანიზაცია უნდა დაფიქრდეს, რამდენად უღირს მის შემადგენლობაში რუსეთის სახით ისეთი ქვეყნის მიღება, რომელიც არასოდეს იცავს კანონებს.
"ჩვენ რუსეთის ვაჭრობის მსოფლიო ორგანიზაციაში გაწევრიანების თემაზე საჯაროდ უნდა ვიმუშაოდ. პოზიციებიც საჯაროდ უნდა დაფიქსირდეს. რუსეთის გაწევრიანება საკმაოდ სადავო საკითხია. მის მიმართ არაერთგვაროვანი დამოკიდებულება არსებობს თავად ქვეყნის მმართველ წრეებშიც. პრეზიდენტ მედვედევს სურს ორგანიზაციაში გაწევრიანება, მაგრამ არამგონია ეს პრემიერ-პუტინსაც უნდოდეს. მაგრამ ჩვენ უნდა ვკითხოთ საკუთარ თავსაც, არის კი ჩვენი ინტერესი, რომ რუსეთი გახდეს კანონზე დაფუძვნებული კიდევ ერთი ორგანიზაციის წევრი და არ სცეს პატივი ამ კანონებს, ისე როგორც ეს ხდება ეუთოსა და ევროსაბჭოს შემთხვევაში ხდება", - განაცხადა დევიდ კრეიმერმა ჯონს ჰოპკინსისი უნივერსიტეტში სიტყვით გამოსვლისას.
შეგახსენებთ, რომ ვაშინგტონი რუსეთის ვმო-ში გაწევრიანებას მხარს უჭერს და აცხადებს, რომ მოსკოვს აქვს შესაძლებლობა, საკითხი დადებითად წლის ბოლომდე გადაწყვიტოს.