"ქრისტიან-დემოკრატები" პენსიის მომატებას ინვალიდებისთვისაც ითხოვენ. ამის შესახებ დღეს, პარლამენტის პლენარულს სხდომაზე ფრაქცია "ქრისტიან-დემოკრატების" წევრმა ლევან ვეფხვაძემ განაცხადა.
"ირკვევა, რომ პენსია ემატებათ მხოლოდ ასაკით პენსიონერებს და არა ინვალიდებს. შეზღუდული შესაძლებლობების მქონე ადამიანები კვლავ რჩებიან სოციალური უთანასწორობის ზღვარზე. ჩაიხედეთ ციფრებში, იქნებ მათთვისაც შეგიძლიათ პენსიის გაზრდა", - აღნიშნა ვეფხვაძემ და აქვე დასძინა, რომ საკითხის მსგავსი მიდგომა ინვალიდებს სოციალურ უთანასწორობაში აყენებს.
მისივე შეფასებით, ხელისუფლების გადაწყვეტილებას პენსიის 100 ლარამდე გაზრდის შესახებ ნეგატიური მხარეც აქვს და პოზიტიურიც და თუ ხელისუფლება ინვალიდებსაც მოუმატებს პენსიას, მაშინ ექნებათYმოსახლეობისთვის მილოცვის უფლება.
