"თავისუფალი დემოკრატების" ლიდერი ირაკლი ალასანია ქართულ მხარეს რუსეთის ვმო-ში გაწევრიანების თაობაზე მოსალაპარაკებლად ორ წინადადებას სთავაზობს.
"ქართული დელეგაციისთვის ორი ფაქტორი უნდა იყოს სახელმძღვანელო: პირველი, რომ სავაჭრო ორგანიზაციაში რუსეთის გაწევრიანების შემდეგ ის მოექცეს თამაშის აღიარებულ წესებში და მოახდინოს ქართული პროდუქციისთვის რუსეთის ბაზრის დაბრუნება და მეორე - სავაჭრო ორგანიზაციის თამაშის წესები ნიშნავს, რომ ერთმანეთის საბაჟო საზღვარი უნდა იყოს დაცული. ამ მიმართულებით, თბილისმა უნდა მოითხოვოს საერთაშორისო ლეგიტიმაციის მქონე ერთ-ერთმა ორგანიზაციამ დაიკავოს საბაჟო საზღვარი", - განუცხადა ალასანიამ "ჯი-ეიჩ-ენს".
შეგახსენებთ, რომ თბილისი და მოსკოვი ვაჭრობის მსოფლიო ორგანიზაციაში რუსეთის გაწევრიანების საკითხის განხილვას იწყებენ. მოლაპარაკებათა პირველი რაუნდი 9 მარტს, შვეიცარიის დედაქალაქ ბერნში გაიმართება. ქართულ დელეგაციას პრემიერ-მინისტრის მრჩეველი თამარ კოვზირიძე უხელმძღვანელებს.
