ფოთს განვითარების პერსპექტივა აქვს, _ აღნიშნა საქართველოს პრეზიდენტმა ფოთში "თეგეტა მოტორსის" ახალი სერვისცენტრის პრეზენტაციაზე.
"აქ ძალიან ადვილია წინსვლა, თუკი კარგად ვიმუშავებთ,"_დასძინა პრეზიდენტმა.
პრეზიდენტის თქმით, დიდი ხნის მანძილზე აქაურ სოფლებში ხალხი უმუშევარი იყო, შემდეგ კი ტესტირება ჩააბარეს და მაშინვე 800 ლარად დაიწყეს მუშაობა. პრეზიდენტი დარწმუნებულია, რომ ხვალ იგივე მოხდება მალთაყვაშიც და, რომ ამ სერვისცენტრში გადამზადებული კონტინგენტი სამომავლოდ მაინც იპოვის სამუშაოს.
"ადამიანი სასწავლებელს როცა დაამთავრებს, პირდაპირ სამუშაოს შოულობს და უკვე ოჯახს არჩენს, ეს ძალიან კარგია. ადრე ასე იყო, თბილისელები მოდიოდნენ და ფოთში იკავებდნენ ყველაფერს, ახლა ფოთელებმა დაიწყეს თბილისიდან დაბრუნებაც. მთავარი პრობლემა ეს იყო, რომ ადგილობრივ კადრებს არ ახარებდა არც ერთი ბიზნესი",_აღნიშნა საქართველოს პრეზიდენტმა.
შეგახსენებთ, დღეს ფოთში "თეგეტა მოტორსის" ახალი სერვისცენტრი გაიხნა. ობიექტი გათვლილია სატვირთო ავტომანქანებისთვის, თუმცა მოემსახურება მსუბუქ მანქანებსაც.
