საფრანგეთმა ლიბიის ქალაქ ბენგაზში მედიკამენტებით დატვირთული ორი თვითმფრინავი გაგზავნა. ბენგაზს ლიბიის ლიდერ მუამარ კადაფისთან დაპირისპირებული მხარეები აკონტროლებენ.
BBC ინფორმაციით, ლიბიაში ჰუმანიტარული დახმარებების გაგზავნა მსოფლიო ქვეყნებიდან გაგრძელდება. მსოფლიო ლიდერები დახმარებას უმეტესად ოპოზიციის მიერ კონტროლირებად ლიბიის აღმოსავლეთ ნაწილში გაგზავნიან.
არეულობების შემდეგ ლიბიაში სასურსათო და სამედიცინო კრიზისი შეიქმნა. ამ პრობლემებისა და პოლიტიკური კრიზისის განსახილველად მსოფლიო ლიდერები ჟენევაში იკრიბებიან.
