გერმანულმა გამოცემა Handelsblatt -მა მსოფლიოს უმდიდრეს ლიდერთა რეიტინგი გამოაქვეყნა.
რეიტინგის მიხედვით, ყველაზე მდიდარი აღმოჩნდა და შესაბამისად პირველ ადგილზე გავიდა საუდის არაბეთის მეფე აბდალა იბი აბდელ აზიზ ას-საუდი, რომელიც 40 მლრდ. დოლარზე მეტი ქონების მფლობელია. მეორე ადგილზე კი ეგვიპტის ყოფილი პრეზიდენტი ჰოსნი მუბარაკი აღმოჩნდა, რომლის ქონებაც 40 მლრდ. დოლარამდეა.
მესამე ადგილი ბრუნეის სულთანი ხასანალ ბოლკიახიმ დაიკავა - 20 მლრდ. დოლარით.
Handelsblatt -ის რეიტინგით მეოთხე ადგილზე აბუ-დაბის საემიროების შეიხი ხალიფა ბინ ზეად ალ ნახაიანია აღმოჩნდა, 15 მლრდ. დოლარით. რეიტინგის მიხედვით მეხუთე ადგილზეა ტუნისის ყოფილი პრეზიდენტი ზინ ელ-აბიდინ ბენ ალი-დო 10 მლრდ. დოლარით, მეექვსე ადგილზე კი სუდანის პრეზიდენტი ომარ ხასან ალ-ბაშირი - 9 მლრდ. დოლარით.
რეიტინგის მიხედვით მეშვიდე ადგილზეა დუბაის შეიხი მუჰამედ ბენ რაშიდ ალ-მაკტუმი თავისი კუთვნილი 4,5 მლრდ. დოლარით. მერვე ადგილზე კი მაროკოს მეფე მუჰამედ VI - 2,5 მლრდ. დოლარით. მეცხრე ადგილზე - ქაიროს შეიხი ჰუმად ბენ ჯასენ ალ ტანი გავიდა - 2,4 მლრდ. დოლარით და მეათე ადგილზე კი ყახაზეთის პრეზიდენტი ნურსულთან ნაზარბაევი მოხვდა 1,1 მლრდ დოლარით.
