ქრისტიან-დემოკრატიული მოძრაობის ლიდერებმა გიორგი თარგამაძემ და გიორგი ახვლედიანმა ისნის რაიონში მცხოვრებ სოციალურად დაუცველ ბავშვებს საჩუქრები გადასცეს. ბავშვები და მათი მშობლები ქრისტიან-დემოკრატიული მოძრაობის რაიონულ ორგანიზაციაში შეიკრიბნენ. მოძრაობის ლიდერებმა ბავშვებს საჩუქრად სასკოლო ჩანთები და სათამაშოები გადასცეს, მშობლებმა კი საკუთარი პრობლემები გააცნეს.
გიორგი თარგამაძის თქმით, ქრისტიან-დემოკრატიული მოძრაობის რაიონული ორაგანიზაციების ოფისებს აქვთ ძალიან მჭიდრო კონტაქტი სოციალურად დაუცველ ოჯახებთან და ისინი ყოველდღიურად ეცნობიან მათ პრობლემებს.
‘'ქრისტიან-დემოკრატიული მოძრაობა განსაკუთრებულ ყურადღებას უთმობს სოციალურად დაუცველ ოჯახებს. დღეს ვეცადეთ, რომ დავხმარებოდით მათ MA განსაკუთრებით კი გვინდოდა ბავშვების საჩუქრებით გახარება'', - განაცხადა თარგამაძემ.
