ამერიკის შეერთებული შტატების პრეზიდენტის ბარაკ ობამას განცხადებით, ლიბიიის ლიდერი მუამარ კადაფი ვალდებულია ახლავე გადადგეს.
აღნიშულის შესახებ ნათქვამია თეთრი სახლის მიერ გამოქვეყნებულ აშშ-ის პრეზიდენტის განცხადებაში.
"თუ ლიდერისთვის ერთადერთი საშუალებად ხელისუფლების შენარჩუნებად ძალადობის მასიური გამოყენება რჩება საკუთარი მოსახლეობაზე, ეს ნიშნავს, რომ მან დაკარგა ლეგიტიმურობა და უნდა გადადგეს", - აღნიშნავს ობამა.
განცხადებაში ასევე ნათქვამია, რომ ბარაკ ობამამ საკუთარი პოზიცია გერმანიის კანცლერს ანგელა მერკელს ტელეფონით საუბრის დროს გაუზიარა.
სატელეფონო საუბრის დროს აშშ-ს და გერმანიის პირველმა პირებმა კიდევ ერთხელ დაადასტურეს ლიბიელი ხალხისადმი მხარდაჭერა და აღნიშნეს, რომ მათი უფლებები უნდა იყოს დაცული და კადაფის ხელისუფლება პასუხისმგებლობით მოეკიდოს ქვეყანაში მიმდინარე მოვლენებს.
