ამ რეიტინგის მიხედვით, უკრაინამ 22-ე ადგილი დაიკავა და ოდნავ ჩამორჩა ეგვიპტესა და საქართველოს. ამასთან, მასობრივი პროტესტის აფეთქების ნიშნით, უკრაინამ დიდად გაუსწრო რუსეთს. რეიტინგის მიხედვით, ლიბია მე-11 ადგილზე აღმოჩნდა.

სიაში პირველი ადგილი დაიკავა კენიამ, სადაც საპროტესტო განწყობის მაჩვენებელმა 100-სს მიაღწია. მეორე ადგილზე გავიდა კამერუნი, მაჩვენებლით_94,5. მესამე ადგილი ერგო პაკისტანს, ინდექსით 90,8. შემდეგია ნიგერია (88,9), ინდონეზია(80,3). ასევე, ათეულში შევიდნენ ფილიპინები, გვატემალა, მაროკო, იორდანია და აზერბაიჯანი.

ტუნისს, ბოსნიასა და ჰერცოგოვინას შორის აღმოჩნდა უკრაინა, რომელმაც 22-ე ადგილი დაიკავა, მაჩვენებლით 68, 2. უკრაინას წინ უსწრებს საქართველო 73,4, ეგვიპტე_75, 3. ხოლო რუსეთის რეიტინგია 58,0.

ავსტრალია, ფინეთი, შვედეთი, კანადა, დანია, გერმანია და შვეიცარია სიის ქვედა საფეხურზე არიან, რომლებმაც 30-ზე ნაკლები მაჩვენებელი მიიღეს. აშშ-ის ინდექსი 32,3-ია, ხოლო იაპონიის _32,2.

ხელისუფლების საწინააღმდეგოდ განწყობილი ქვეყნების მაჩვენებელი სამი ნიშნით შეირჩა: კორუფციის ინდექსი, ადამიანის განვითარების პოტენციალი და სიღარიბის დონე.

შეგახსენებთ, 2011 წლის დასაწყისში ოპოზიციის მასობრივი გამოსვლები დაიწყო ლიბიაში, ეგვიპტესა და ტუნისში. ზემოთჩამოთვლილ ქვეყნებს გარდა, ახლო აღმოსავლეთის სხვა ქვეყნებსა და ჩრდილოეთ აფრიკაშიც საპროტესტო განწყობის ზრდა შეიმჩნევა.