საპარლამენტო უმრავლესობის ლიდერის, პეტრე ცისკარიშვილის განცხადებით, გარემოს დაცვის სამინისტროს რეორგანიზაციის წინააღმდეგ ოპოზიციის არგუმენტები თითიდან გამოწოვილია. ამის შესახებ ცისკარიშვილმა პლენარულ სხდომაზე გარემოს დაცვისა და ბუნებრივი რესურსების სამინისტროს რეორგანიზაციის საკითხის განხილვისას განაცხადა.
მისი შეფასებით, ოპოზიცია ისე საუბრობს ტყეზე, რომ მისი არსი საერთოდ არ ესმის, ხოლო კორუფციაზე საუბრისას კი ავიწყდება, რომ ხელისუფლება კორუფციას ებრძვის და თუ ვინმე ერთვება მასში, ისჯება კიდეც.
უმრავლესობის ლიდერის განმარტებით, სატყეო სექტორში კორუფცია იყო არა ადამიანებიდან გამომდინარე, არამედ ინსტიტუციონალურად არა სწორად მოწყობის გამო და რეფორმაც ამ სიტუაციის გამოსწორებისკენაა მიმართული.
ცისკარიშვილი ოპოზიციის მიერ საპარლამენტო უმრავლესობის კრიტიკამ გააღიზიანა, რომ თითქოს პარლამენტი მთავრობას ყველაფერში ეთანხმება.
"ამას ოპოზიცია უსინდისოდ იძახის, რადგან როგორც წესი, სადავო საკითხები კონსულტაციების საფუძველზე წყდება. ვერანაირ კრიტიკას ვერ მივიღებთ იმ ადამიანებისგან, რომლებიც 200-ლარიან ჯარიმას ეწინააღმდეგებოდნენ და ამბობდნენ, რომ რა ამბავია, ახლა ხალხს ნაგავიც არ დააყრევინოთOდა ახალისებდნენ ქუჩაში, მდინარეებში და ტყეებში ნაგვის დაყრას", - დასძინა ცისკარიშვილმა.