რუსეთის პრეზიდენტმა ვლადიმირ პუტინმა და ჩინეთის ლიდერმა სი ძინპინმა შენჟენში გამართული შეხვედრისას უკრაინაში რუსეთის ომის დასრულების საკითხი განიხილეს. ამის შესახებ კრემლის პრესსპიკერმა დმიტრი პესკოვმა განაცხადა.
პესკოვის ინფორმაციით, შეხვედრისას პუტინმა ასევე ისაუბრა მოსკოვში აშშ-ის პრეზიდენტის სპეციალურ წარმომადგენლებთან, სტივ უიტკოფთან და ჯარედ კუშნერთან გამართული მოლაპარაკებების შესახებ.
კრემლის პრესსპიკერის ცნობით, პუტინი და აშშ-ის პრეზიდენტი დონალდ ტრამპი შენჟენში გამართულ საზეიმო მიღებაზე შეხვდებიან.
მანამდე ცნობილი გახდა, რომ პუტინის, სი ძინპინისა და ტრამპის სამმხრივი შეხვედრა 19 ნოემბერს, აზია-წყნარი ოკეანის ეკონომიკური თანამშრომლობის (APEC) სამიტის ფარგლებში გაიმართება.