საიფ ალ-ისლამ კადაფს მამამ ძალოვან სტრუქტურებზე მეთვალყურეობა დაავალა, რათა ისინი ოპოზიციის მხარეს არ გადასულიყვნენ. ტელეარხის ინფორმაციით კი, იგი 24 თებერვალს ბენგაზში საპროტესტოდ გასულ მომიტინგეებს შეუერთდა. უკვე მეორე დღეა, ეს ქალაქი ოპოზიციის კონტროლქვეშაა.

ლიბიის ლიდერის ვაჟის ინფორმაციით, მამამისი თვითმკვლელობას ან სამხრეთ ამერიკაში გაქცევასაც ფიქრობს, თუკი მოულოდნელად ხელისუფლების დაკარგვის საფრთხის წინაშეEაღმოჩნდება.

თუმცა კადაფის ვაჟის ოპოზიციის მხარეს გადასვლას სხვა წყაროები არ აკონკრეტებენ.

საიფ ალ-ისლამ კადაფი, რომელიც აქამდე პოლიტიკურ ცხოვრებაში აქტიურ მონაწილეობას არ იღებდა, ლიბიის ტელევიზიით უკვე არაერთხელ გამოვიდა. სატელევიზიო გამოსვლების დროს იგი ქვეყანაში შექმნილ სიტუაციას "საგარეო მტრებს" აბრალებდა. მისი თქმით, არაკეთილმოსურნეებს ქვეყნის რადიკალურ ისლამურ ნაწილებად დაყოფის სურვილი ამოძრავებდათ.

ამასთან, კადაფის ვაჟი ოპოზიციის გამოსვლების ჩახშობის მიზნით სამხედრო ავიაციის გამოყენებასთან დაკავშირებულ ინფორმაციას არ ადასტურებს. მისი Yთქმით, დაღუპულთა რიცხვის შესახებ უცხოურ მედიასაშუალებებში გავრცელებული ინფორმაცია რეალობას არ შეესაბამება.

შეგახსენებთ, ლიბიაში მუამარ კადაფის მმართველობის წინააღმდეგ საპროტესტო გამოსვლები 16 Yთებერვლიდან დაიწყო. კადაფი 1969 წლიდან მართავს ქვეყანას. ოპოზიციის მხარეს არმიის ცალკეული დანაყოფები გადავიდნენ.