დღეს, 22 თებერვალს, 18:30 საათზე, თიბისი გალერეაში ბავშვთა ნევროლოგიის პირველი ქართული წიგნის "ბავშვთა ასაკის ნევროლოგიურ დაავადებათა მკურნალობა" პრეზენტაცია გაიმართება.
წიგნი გამოცემულია ბავშვთა ნევროლოგთა და ნეიროქირურგთა ასოციაციაციის მიერ წიგნის ავტორები არიან: ნანა ტატიშვილი, ბავშვთა ნევროლოგი, მედიცინის მეცნიერებათა დოქტორი, უმაღლესი სამედიცინო სკოლა "აიეტის" სრული პროფესორი, იაშვილის სახ. ბავშვთა ცენტრალური საავადმყოფოს ბავშვთა ნევროლოგიისა და ფსიქიატრიის დეპარტამენტის ხელმძღვანელი, საქართველოს ბავშვთა ნევროლოგთა და ნეიროქირურგთა ასოციაციის პრეზიდენტი;
მაია გაბუნია, ბავშვთა ნევროლოგი (ავერსის კლინიკა), მედიცინის დოქტორი, უმაღლესი სამედიცინო სკოლა "აიეტის" პროფესორი, საქართველოს ბავშვთა ნევროლოგთა და ნეიროქირურგთა ასოციაციის გენერალური მდივანი; ივანე ბოკერია, ბავშვთა ნევროლოგი, ბავშვთა ნევროლოგიის და ნეირორეაბილიტაციის ცენტრის დამფუძნებელი.
