"ქრისტიან-დემოკრატებმა" პარლამენტის დღევანდელ სხდომაზე ელექტროენერგიის ვაუჩერების დარიგების პროცესში კოლექტიური მრიცხველების მქონე სოფლებში შექმნილ პრობლემებზე ისაუბრებს.
როგორც ლევან ვეფხვაძემ აღნიშნა, პრობლემები შეიქმნა თელავის, კასპის და კიდევ სხვა რაიონების სოფლებში.
ამასთან, ლევან ვეფხვაძემ მთავრობას კოლექტიური მრიცხველების მქონე სოფლის მოსახლეობისთვის განმარტებები მოსთხოვა, რათა არცერთი პრობლემატური შემთხვევა არ დარჩეს რეაგირების გარეშე.
"ქრისტიან-დემოკრატებს" პარლამენტის პირველი ვიცე-სპიკერი მიხეილ მაჭავარიანი გამოეხმაურა და აღნიშნა, რომ მართალია არის ხარვეზები, მაგრამ მთავრობამ უკვე გააკეთა განცხადება, რომ არცერთი კონკრეტული შემთხვევა არ დარჩება რეაგირების გარეშე.
"მთავრობა მუშაობს. მაჟორიტარები გასულები არიან ადგილებზე. რაც შეეხება კოლექტიურ მრიცხველებს, ეს იყო 5 წლის ერთადერთი გზა, რომ სოფლებში შუქი ყოფილიყო. ახალა იქ არის შუქი და კერძო კომპანიებს აქვთ ვალდებულება, რომ ინდივიდუალური გამრიცხველიანება მოახდინონ", - აღნიშნა მაჭავარიანმა.
