გამოცემა "EURASIANET "-ის შეფასებით, "აშშ მიშას მომავალს აკვირდება". ჟურნალისტს ჯოშუა კუცერას აღნიშნულის ვარაუდის საფუძველს ის გარემოება აძლევს, რომ შეერთებული შტატების ეროვნული დაზვერვის სამსახურის მიერ კონგრესისთვის წარდგენილ "საფრთხეების კვლევაში" მხოლოდ საქართველოს შიდაპოლიტიკური ვითარებაა განხილული.
"ჩვეულებრივ, ეს ძალიან შაბლონური მასალაა და წლევანდელი ანგარიშის ხუთ პარაგრაფიანი ნაწილი, რომელიც "კავკასიასა და ცენტრალურ აზიას" ეძღვნება არაფრით გამორჩეული არ არის. ის პირველ პლანზე აყენებს აფხაზეთსა და სამხრეთ ოსეთში რუსეთის ყოფნას, დაძაბულობის ზრდას მთიან ყარაბახში, და არასტაბილურობას ყირგიზეთსა და ტაჯიკეთში - რაც ისედაც ცხადია წელიწადში 80 მილიარდი დოლარის დახარჯვის გარეშეც. თუმცა ამ ანგარიშის ერთი ეპიზოდი გამორჩეულად საინტერესოა. საქმე ის არის, რომ დოკუმენტში რეგიონის მხოლოდ ერთი ქვეყნის შიდა პოლიტიკური სიტუაციაა განხილული: "საქართველოს ახალი კონსტიტუცია აძლიერებს პრემიერ-მინისტრის ადმინისტრაციას 2013 წლის საპრეზიდენტო არჩევნების შემდეგ. პრეზიდენტ სააკაშვილს მის სამომავლო გეგმებზე არაფერი უთქვამს, თუმცა ახალი კონსტიტუცია მას პრემიერ-მინისტრის თანამდებობის დაკავებების შესაძლებლობას აძლევს", - სტატიის ავტორის მტკიცებით, ანგარიშში სწორედ საქართველოს კონსტიტუციაში შეტანილ აღნიშნულ ცვლილებებზეა საუბარი.
"არის ეს ცუდი რამ - პუტინის სტილის ავტოკრატიის გაჩენა საქართველოში? თუ კარგია - აშშ-ს სანდო მოკავშირის დარჩენა ხელისუფლებაში? ანგარიშში ამის თაობაზე არაფერია ნათქვამი", - აღნიშნავს "EURASIANET "-ი.
