უკრაინის პრეზიდენტმა ვოლოდიმირ ზელენსკიმ განაცხადა, რომ ბალისტიკური რაკეტებისგან დაცვა კვლავ პრობლემად რჩება, რადგან „Patriot“-ის სისტემებისთვის საჭირო რაკეტების დეფიციტია. თუმცა, მისი თქმით, უკრაინის საჰაერო ძალები მტრის ფრთოსანი რაკეტების მნიშვნელოვან ნაწილს და თავდასხმითი დრონების 90%-ზე მეტს ანადგურებენ.
„ახლა, როდესაც ერთადერთი ფსონი - ბოლო ფსონი, რაც პუტინს დარჩა, არის მისი მასობრივი დარტყმები უკრაინაზე, საჰაერო ძალები -ჩვენი საბრძოლო ავიაცია ანადგურებს რუსულ ფრთოსან რაკეტებს, ცდილობს ბალისტიკური რაკეტების განადგურებასაც, და როდესაც ჩვენი Patriot-ის დივიზიონები ცარიელი არ არის, ამას წარმატებით ვახერხებთ.
მნიშვნელოვანია, რომ ევროპასთან ჩვენი თანამშრომლობის წყალობით, ჩვენი IRIS-ები, Hawk-ები და NASAMS-ები მუშაობენ. ჩვენ ყოველდღიურად ვიბრძვით მათთვის რაკეტების მიწოდების უზრუნველსაყოფად. მადლიერი ვარ, რომ ამაში გვეხმარებიან პარტნიორები მთელი მსოფლიოდან.
რა თქმა უნდა, ბალისტიკური რაკეტები კვლავ პრობლემად რჩება, თუმცა ჩვენ უზრუნველვყავით უკრაინის დაცვა ფრთოსანი რაკეტების მნიშვნელოვანი რაოდენობიძთ და მათ დიდ ნაწილს ვანადგურებთ. თავდასხმითი დრონების ჩამოგდების მაჩვენებელიც 90%-ს აღემატება და ეს უკრაინის - ყველა ჩვენგანის ძალიან მნიშვნელოვანი შედეგია“, - განაცხადა ზელენსკიმ.
ზელენსკიმ ასევე აღნიშნა, რომ საჰაერო ძალების სამხედროები „მიუხედავად ფაქტობრივად არათანაბარი ბრძოლისა და ჩამოგდებისთვის საჭირო საშუალებების ნაკლებობისა, წარმოუდგენელ რამეს აკეთებენ - იმაზე მეტს ახერხებენ, ვიდრე მათგან შეიძლება ელოდნენ“.
