ლიბიაში მიმდინარე არეულობების შედეგად დაღუპულთა და დაშავებულთა შორის საქართველოს მოქალაქეები არ არიან. ამის შესახებ "ჯი-ეიჩ-ენს" საქართველოს საგარეო საქმეთა სამინისტროში განუცხადეს.
"საელჩოში ამ დროისთვის არც ერთი დაშავებულის შესახებ არ შესულა ინფორმაცია", - აცხადებენ საგარეო საქმეთა სამინისტროში.
შეგახსენებთ, რომ ლიბია სამოქალაქო ომის ზღვარზეა. თითქმის ერთკვირიანი არეულობის შედეგად 300-მდე ადამიანია დაღუპული.
ამბოხებულები ლიბიის ლიდერის მუამერ კადაფის 42 წლიანი მმართველობის დასრულებას ითხოვენ.
