დიდ ბრიტანეთს საქართველოს ტერიტორიების ოკუპაციასთან რუსეთის მიმართ მკაცრი და შეურიგებელი პოზიცია უკავია.
ამის შესახებ პარლამენტის თავმჯდომარის პირველმა მოადგილემ მიხეილ მაჭავარიანმა დიდი ბრიტანეთის პარლამენტის საპარლამენტთაშორისო კავშირის ჯგუფის წევრებთან შეხვედრის შემდეგ განაცხადა.
"შეხვედრაზე საუბარი გვქონდა იმ ცვლილებებზე, რომელიც საქართველოში მიმდინარეობს, კერძოდ კი საკონსტიტუციო ცვლილებებზე, ეკონომიკურ საკითხებზე, საარჩევნო კოდექსზე, რომელზეც მუშაობა მიმდინარეობს, ასევე ქვეყნისთვის მნიშვნელოვან ყველა გამოწვევაზე და საქართველოს ტერიტორიული მთლიანობის აღდგენის საკითხზე", - აღნიშნა მაჭავარიანმა.
მისივე თქმით, ბრიტანეთი ჯერ კიდევ 2008 წელის აგვისტოს ომის შემდეგ საქართველოს დიდი მხარდაჭერით გამოირჩეოდა და მნიშვნელოვანია, რომ ეს მხარდაჭერა მეგობრობის ჯგუფში შემავალი ბრიტანეთის პარლამენტის ორივე პარტიის მხრიდან გრძელდება.
"ბრიტანეთს მკაცრი და შეურიგებელი პოზიცია აქვთ რუსეთის მიერ საქართველოს ტერიტორიების ოკუპაციასთან დაკავშირებით. ეს კარგად გამოჩნდა დიდი ბრიტანეთში რუსეთის ფედერაციის საგარეო საქმეთა მინისტრის სერგეი ლავროვის ვიზიტის დროს", - აღნიშნა მან.
პირველი ვიცე-სპიკერის თქმით, ბრიტანელი პარლამენტარები სამდღიანი ვიზიტის ფარგლებში შეხვედრებს არა მხოლოდ საპარლამენტო უმრავლესობასთან, ასევე ოპოზიციასთან და არასამთავრობო ორგანიზაციებთან.
"ეს შეხვედრები საშუალებას მოგვცემს ჩვენი გულისტკივილი და წუხილი არ მხოლოდ ბრიტანეთი პარლამენტამდე, ასევე საერთაშორისო საზოგადოებამდეც მივიტანოთ", - აღნიშნა მაჭავარიანმა.
