საქართველოს საგარეო საქმეთა ყოფილი მინისტრი და გაერო-ს უშიშროების საბჭოს ირანის სანქციების ჯგუფის ხელმძღვანელი სალომე ზურაბიშვილი და რუსეთის საგარეო უწყების ხელმძღვანელს სერგეი ლავროვს შეხვდება. როგორც "ჯი-ეიჩ-ენს" "საქართველოს გზის" პრესსამსახურში განუცხადეს, ზურაბიშვილი მოსკოვში უკვე ჩაფრინდა და ის შეხვედრებს რუსეთის საგარეო უწყებაში დღეიდან დაიწყებს.
შეხვედრა გაეროს უშიშროების საბჭოს ირანთან ურთიერთობის ჯგუფის ფარგლებშია დაგეგმილი და ის ირანის თემატიკას შეეხება.
ირანის საკითხთან დაკავშირებით ზურაბიშვილი საფრანგეთის საგარეო საქმეთა მინისტრსაც შეხვდა. აღნიშნულ საკითხთან დაკავშირებით ზურაბიშვილი თებერვალში გერმანიასაც ეწვევა.
შეგახსენებთ, რომ სალომე ზურაბიშვილმა ქართულ პოლიტიკაში რამდენიმე თვის წინ "ტაიმ-აუტი" აიღო.
