უკრაინამ რუსეთის სტავროპოლის მხარეში საწვავის ინფრასტრუქტურის ოთხ ობიექტსა და შავ ზღვაში რუსეთის „ჩრდილოვანი ფლოტის“ სამ ტანკერს დაარტყა.
ამის შესახებ უკრაინის პრეზიდენტმა ვოლოდიმირ ზელენსკიმ სოციალურ ქსელში დაწერა.
პრეზიდენტის თქმით, უკრაინის უსაფრთხოების სამსახურის (SBU) ქვედანაყოფებმა სტავროპოლის მხარეში მდებარე სამ ნავთობბაზას დაარტყეს, ხოლო უკრაინის შეიარაღებული ძალების ქვედანაყოფებმა ამავე რეგიონში საწვავის ინფრასტრუქტურის კიდევ ერთი ობიექტი გაანადგურეს.
ზელენსკის განცხადებით, უკრაინულმა ძალებმა ასევე ზუსტი დარტყმები მიაყენეს რუსეთის „ჩრდილოვანი ფლოტის“ სამ ტანკერს, რომლებიც შავი ზღვის აკვატორიაში იმყოფებოდნენ.
უკრაინის პრეზიდენტის განცხადებით, აღნიშნული ობიექტები რუსეთის აგრესიას საწვავით ამარაგებდა და მის დაფინანსებას უზრუნველყოფდა.
