უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის თავდაცვის ძალების შორ მანძილზე მოქმედი "სანქციები" რეალურად ხელს უწყობს მშვიდობის მიღწევას.
„ყოველდღე ჩანს, რომ უკრაინული სიზუსტე მუშაობს. მადლობელი ვარ ყველა ჩართული ძალის. უპილოტო სისტემების ძალებს, სპეციალური ოპერაციების ძალებს, უკრაინის უსაფრთხოების სამსახურს, სამხედრო დაზვერვას და ყველა ჩვენს ქვედანაყოფს - გმადლობთ. ეს ჩვენი ზეწოლაა და რუსეთზე ზეწოლის ნებისმიერი სხვა ფორმაც უნდა გაგრძელდეს და მშვიდობის მიღწევას ემსახურებოდეს“, - განაცხადა ზელენსკიმ ვიდეომიმართვაში.
„უკვე რუსეთის მოსახლეობის უმრავლესობა თავად უყენებს პრეტენზიებს პუტინს, რადგან მის ომს დასასრული არ უჩანს. ყველა ის სირთულე, რომელსაც დღეს რუსები აწყდებიან, უნდა უბიძგებდეს მათ იმის გააზრებისკენ, რომ ეს მათი ომია და არა უბრალოდ „ციდან ჩამოცვენილი ქვები“, და რომ ეს ომი უნდა დასრულდეს. საჭიროა რეალური მოლაპარაკებები, ხოლო უკრაინამ ამ მიმართულებით ყველა წინადადება უკვე წარადგინა“, - თქვა ზელენსკიმ.
ზელენსკის განცხადებით, ასევე კარგად არის ორგანიზებული როგორც უკრაინაში, ისე პარტნიორ ქვეყნებთან თანამშრომლობით იმ შეიარაღების წარმოება, რომელიც გამოიყენება უკრაინის შორ მანძილზე მოქმედი "სანქციებისთვის“ და ოკუპანტების წინააღმდეგ საშუალო მანძილზე მოქმედი „სამართლიანი საპასუხო დარტყმებისთვის“.
