საფრანგეთის საგარეო საქმეთა სამინისტრომ თავის მოქალაქეებს მთიანი ყარაბაღის, ასევე აზერბაიჯან-სომხეთისა და სომხეთ-რუსეთის საზღვრის მონახულება აუკრძალა. დოკუმენტში მთიანი ყარაბაღი აზერბაიჯანის ოკუპირებულ ტერიტორიადაა მოხსენიებული.
საფრანგეთის საგარეო საქმეთა სამინისტროს (ქვეყანა-თანათავმჯდომარე ეუთოს მინსკის ჯგუფში მთიანი ყარაბაღის კონფლიქტის დარეგულირების საკითხებში) ოფიციალურ ინტერნეტგვერდზე გამოქვეყნებულია აზერბაიჯანში საფრანგეთის საკონსულო განყოფილების დოკუმენტი, რომელშიც მთიანი ყარაბაღი აზერბაიჯანის ოკუპირებულ ტერიტორიადაა მოხსენიებული.
დოკუმენტში აღნიშნულია, რომ საფრანგეთის მოქალაქეებს აზერბაიჯანში კატეგორიულად აკრძალული აქვთ მოინახულონ სომხეთთან მოსაზღვრე ზონები - დოკუმენტში მათ ოკუპირებული ტერიტორიები ეწოდებათ და ცეცხლის შეწყვეტის ხაზთან ახლომდებარე ტერიტორიები. საფრანგეთის მოქალაქეებს ასევე ეკრძალებათ სომხეთსა და ნახჩევანს (დოკუმენტის მიხედვით) და აზერბაიჯანსა და დაღესტანს შორის არსებული ტერიტორიების მონახულება.
დოკუმენტში აღნიშნულია, რომ აზერბაიჯანის გულში არსებულ მთიან ყარაბაღში მოსახლეობის უმრავლესობა სომეხი ეროვნების ადამიანთაგან შედგება და რომ აზერბაიჯანის ტერიტორიის 20 %-ზე მეტი ოკუპირებულია.
ამას გარდა, დოკუმენტი პირდაპირ აკავშირებს მთიანი ყარაბაღის პრობლემას აზერბაიჯანის საშინაო პოლიტიკასა და მის კონფლიქტთან სომხეთთან.
დოკუმენტი არ აძლევს თავის მოქალაქეებს მთიანი ყარაბაღისა და აზერბაიჯანის შვიდი ოკუპირებული რეგიონის მონახულებისას "მთიანი ყარაბაღის დე-ფაქტო ხელისუფლების მიერ გაცემული ვიზის" გამოყენების რეკომენდაციას, ვინაიდან ეს შეიძლება აზერბაიჯანში შესვლისას დამაბრკოლებელი მიზეზი გახდეს.
