უკრაინის პრეზიდენტმა ვოლოდიმირ ზელენსკი განაცხადა, რომ 25 აპრილს დნიპროზე განხორციელებული დარტყმების შემდეგ კიდევ 2 ადამიანი უგზო-უკვლოდ დაკარგულად მიიჩნევა. მისი თქმით, ჯამში დაიღუპა 5 ადამიანი, ხოლო 40-ზე მეტი დაშავდა.
„წუხანდელი ღამის შემდეგ რუსები დნიპროს ტერორიზებას ახდენენ — დარტყმებს ახორციელებენ როგორც რაკეტებით, ისე დრონებით. დარტყმები განხორციელდა ჩვეულებრივ საცხოვრებელ სახლებზე, ენერგეტიკულ და სამოქალაქო ობიექტებზე. დღისით რუსებმა კვლავ დაარტყეს იმავე საცხოვრებელ კვარტალს, რომელსაც ღამითაც თავს დაესხნენ. ბევრი დაშავებულია. ამ დროისთვის ცნობილია, რომ დნიპროში 40-ზე მეტი ადამიანი დაშავდა და მათ შორის ბავშვებიც არიან. 23 ადამიანი საავადმყოფოშია მოთავსებული.
კიდევ ორი ადამიანი დაკარგულად მიიჩნევა — მათი ძებნა გაგრძელდება, ვიდრე არ გაირკვევა მათი ბედი. სამწუხაროდ, ამ რუსული დარტყმების შედეგად ქალაქში 5 ადამიანი დაიღუპა. სამძიმარს ვუცხადებ მათ ოჯახებს,“ - განაცხადა ზელენსკიმ.
ზელენსკიმ ასევე აღნიშნა, რომ მნიშვნელოვანია მსოფლიო არ დუმდეს მიმდინარე მოვლენებზე და რომ „ევროპაში მიმდინარე ომი ყურადღების მიღმა არ დარჩეს ირანში ომის გამო“.
მისივე თქმით, „შაჰედის“ ტიპის დრონები ადამიანებს ერთნაირად კლავენ და დაცვა როგორც ფრთოსანი, ისე ბალისტიკური რაკეტებისგან უნდა იყოს თანაბრად საიმედო.
