უნგრეთის საპარლამენტო არჩევნებში გამარჯვებული პარტია „ტისას“ ლიდერმა პეტერ მადიარმა უარი თქვა პოლიციის მიერ პირადი დაცვის დანიშვნაზე.
„პოლიციის მთავარ კომისარს შემოთავაზებისთვის მადლობას ვუხდი, თუმცა კვლავ უარს ვამბობ პოლიციის მიერ პირადი დაცვის დანიშვნაზე - როგორც 24-საათიანზე, ისე ნებისმიერი სხვა ფორმით დაცვაზე. აქამდეც არაფრის მეშინოდა და ვცდილობ, ისე ვიმუშაო, არც მომავალში მქონდეს შიშის მიზეზი“, — დაწერა მან სოციალურ ქსელ X-ზე.
მისი თქმით, აქამდე „არაფერი საშიში ჰქონია“ და აპირებს იმგვარად იმუშაოს, რომ მომავალშიც „არაფერი იყოს, რისიც უნდა ეშინოდეს“.
„უნგრეთი გახდება ქვეყანა, სადაც არავის, ვინც პატიოსნად მუშაობს და ცხოვრობს, არ უნდა ეშინოდეს, მადლობა ჩვენს პოლიციელებს მათი სამსახურისთვის“ - წერს მადიარი.
