აშშ-ის სახელმწიფო დეპარტამენტმა დიპლომატიური მისიის თანამშრომლებს საუდის არაბეთის დაუყოვნებლივ დატოვება უბრძანა. ამის შესახებ New York Times წყაროზე დაყრდნობით იუწყება.
„სახელმწიფო დეპარტამენტის ეს ნაბიჯი ნიშნავს, რომ ამერიკელი ოფიციალური პირები აცნობიერებენ რეგიონში მზარდ რისკებს,“ - წერს გამოცემა.
აღნიშნული ბრძანება ეხება აშშ-ის საელჩოს ერ რიადში, რომელიც ირანის მხრიდან რამდენჯერმე თავდასხმის სამიზნე გახდა.
ამერიკელებისთვის უსაფრთხოების განგაში გამოცხადდა ერ რიადში, ჯიდასა და დაჰრანში, სადაც აშშ-ის საკონსულოები მდებარეობს. ამ საკონსულოების თანამშრომლებიც წასასვლელად ემზადებიან.
აღნიშნულია, რომ ეს ირანზე 28 თებერვალს დარტყმების დაწყების შემდეგ საუდის არაბეთის დატოვების შესახებ გაცემული პირველი ასეთი ბრძანებაა.
