დიდი ბრიტანეთი არ გამორიცხავს, რომ ირანზე საჰაერო თავდასხმებში ჩაერთონ. ამის შესახებ გამოცემა The iPaper წყაროებზე დაყრდნობით იუწყება.
აღნიშნულია, რომ ამჟამად ბრიტანეთს რეგიონში ბრიტანული ჯარების ყოფნის გაზრდის გეგმები არ აქვს, თუმცა „ყველა ვარიანტი ღია რჩება“.
გამოცემის ცნობით, ქვეყნის ხელისუფლება ასევე განიხილავს ჰორმუზის სრუტეში გამავალი კომერციული გემების სამხედრო ესკორტის შესაძლებლობას.
მანამდე, ბრიტანეთის პრემიერ-მინისტრმა კირ სტარმერმა განაცხადა, რომ ლონდონი ბოლო რამდენიმე კვირის განმავლობაში ახლო აღმოსავლეთში თავის ძალებს აძლიერებდა.
