ირანულ სამხედრო გემს ეგონა,, რომ საერთაშორისო წყლებში უსაფრთხოდ იყო, მაგრამ სინამდვილეში ასე არ იყო, – ამის შესახებ თეთრი სახლის განცხადებაშია აღნიშნული.
„ომის დეპარტამენტი გამარჯვებისთვის იბრძვის“, – წერია თეთრი სახლის მიერ „იქსზე“ გავრცელებულ განცხადებაში.
თეთრი სახლი აქვეყნებს კადრებს, სადაც ირანული სამხედრო გემი ცეცხლი ჩანს.
ცნობისთვის, 4 მარტს შრი ლანკის ტერიტორიულ წყლებში, ქალაქ გალესთან, ირანულ გემ IRIS Dena-ზე აშშ-მა თავდასხმა განახორციელა. შედეგად 101 ადამიანი დაკარგულად არის მიჩნეული, 78 კი დაშავდა.
აშშ-ის ომის მდივნის, პიტ ჰეგსეთის განცხადებით, შრი ლანკის სანაპიროებთან ირანულ გემს ამერიკულმა წყალქვეშა ნავმა დაარტყა. მისი თქმით, ინდოეთის ოკეანეში მცურავ ირანულ ფრეგატზე თავდასხმა ტორპედოთი განხორციელდა, რაც მეორე მსოფლიო ომის შემდეგ წყალქვეშა ტორპედოს გამოყენების პირველი შემთხვევა იყო.
