ევროკავშირთან სავიზო რეჟიმის გამარტივებისა და რეადმისიის შესახებ შეთანხმებები ძალაში სავარაუდოდ 9-10 თვეში შევა. აღნიშნულის შესახებ დღეს გამართულ ორშაბათის ტრადიციულ ბრიფინგზე საქართველოს საგარეო საქმეთა მინისტრის მოადგილე ნინო კალანდაძემ განაცხადა.
მისივე განმარტებით, შეთანხმებების ძალაში შესვლამდე პროცედურულად ხელშეკრულებების გაფორმებაა აუცილებელი, რასაც ქართული მხარე უახლოესი 5 თვის განმავლობაში ვარაუდობს.
შეგახსენებთ, რომ ევროკავშირთან სავიზო რეჟიმის გამარტივებისა და რეადმისიის შესახებ შეთანხმებების პარაფირება გასულ კვირას მოხდა. კალანდაძის განმარტებით, აღნიშნული იმას ნიშნავს, რომ ამ საკითხების გადაწყვეტა შეუქცევადი გახდა.
