პოლონეთის პრეზიდენტმა კაროლ ნავროცკიმ განაცხადა, რომ ვოლოდიმირ ზელენსკის ვიზიტი ვარშავისა და კიევისთვის კარგი ამბავია, ხოლო მოსკოვისთვის - ცუდი.
ამის შესახებ ნავროცკიმ პარასკევს ვარშავაში ზელენსკისთან ერთად გამართულ პრესკონფერენციაზე გნაცხადა.
ნავროცკიმ აღნიშნა, რომ ზელენსკი ვარშავაში მისი მოწვევით ჩავიდა.
„ბატონი ვოლოდიმირ ზელენსკის ვარშავაში ვიზიტი კარგი ამბავია პოლონეთისთვის, ვარშავისა და კიევისთვის და მთელი ჩვენი რეგიონისთვის, მაგრამ ცუდი ამბავია რუსეთის ფედერაციისთვის, რადგან ეს ადასტურებს, რომ პოლონეთი, უკრაინა და რეგიონის ქვეყნები ერთიანები არიან სტრატეგიულ და უსაფრთხოების საკითხებში“, - განაცხადა ნავროცკიმ.
მან აღნიშნა, რომ ზელენსკისთან ერთად იზიარებს საერთო ხედვას რუსეთის, როგორც ნეოიმპერიული პოსტსაბჭოთა სახელმწიფოს, რომელიც ევროპას საფრთხეს უქმნის.
პოლონეთის პრეზიდენტმა კიდევ ერთხელ დაადასტურა, რომ მისი ქვეყანა მხარს უჭერს რუსეთის წინააღმდეგ მკაცრ სანქციებს.
