საქართველოს პრეზიდენტ მიხეილ სააკაშვილის განცხადებით, საქართველოს დემოკრატიის მთავარი ბარომეტრი სწორედ საკანონმდებლო ორგანოა. ამის შესახებ სააკაშვილმა საქართველოს პარლამენტის წინაშე წლიური საანგარიშო მოხსენებით გამოსვლისას განაცხადა.
"ქვეყანაში დემოკრატია წყდება აქ და არა სადღაც ბნელ კაბინეტებში, რომლებზედაც არაკეთილმოსურნეებს ყურები აქვთ მიდებული, რომ რამე გაიგონ. ეს არის ქვეყნის მთავარი ორგანო. ეს არის მთავარი ბარომეტრი დემოკრატიის - ამ დარბაზში რა ხდება", - განაცხადა სააკაშვილმა.
მოხსენებით დასაწყისში ქვეყნის პირველმა პირმა პარლამენტის სხდომათა დარბაზში მყოფ დიპლომატიური კორპუსის წარმომადგენლებს სთხოვა, მასა და ოპოზიციას შორის დაგეგმილ დებატებს ბოლომდე დაესწრონ.
"გთხოვთ ყველას, დაესწროთ დებატებს, რადგან უფრო მნიშვნელოვანი არა ჩემი გამოსვლა და შემდეგ ოპოზიციის გამოსვლა, არამედ დებატებია. სწორედ ეს არის ადგილი, სადაც წელიწადში ერთხელ მთავარი საკითხების განხილვა ხდება", - დასძინა სააკაშვილმა.
საქართველოს პრეზიდენტის საკანონმდებლო ორგანოში წლიური მოხსენებით ამ წუთებში გამოდის.
