„ქართული პარტია" ოფისების გახსნას კახეთის შემდეგ იმერეთში განაგრძობს. დღეს, პარტიის თავმჯდომარე სოზარ სუბარის მონაწილეობით, ოფისი ხარაგაულში გაიხსნა.
ღონისძიებას ასევე დაესწრნენ „ქართული პარტიის" დასავლეთ საქართველოს რაიონული ორგანიზაციების კოორდინატორი ირაკლი დოლაბერიძე, ადგილობრივი მხარდამჭერები, აქტივისტები და მასმედიის წარმომადგენლები.
ხარაგაულის პარტიის ორგანიზაციის ოფისის (მის. ხარაგაული, სოლომონ მეფის ქ. 57) გახსნისთანავე საინიციატივო ჯგუფმა მარინა ჭიპაშვილის ხელმძღვანელობით „ქართულ პარტიაში" გაწევრიანების მსურველთა რეგისტრაცია დაიწყო.
საინიციატივო ჯგუფი ასევე მოამზადებს „ქართული პარტიის" ხარაგაულის რაიონული ორგანიზაციის დამფუძნებელ კონფერენციას, რომლის დელეგატებიც მარტში პარტიის რაიონულ ლიდერს აირჩევენ.
