ტრამპი არ მოითმენს უდანაშაულო ადამიანების ქუჩებში ხოცვა-ჟლეტას,, შეერთებული შტატები ირანის მამაცი ხალხის გვერდით დგას, – ამის შესახებ გაერო-ში აშშ-ის წარმომადგენელმა, მაიკ უოლცმა გაერო-ს უშიშროების საბჭოს საგანგებო სხდომაზე განაცხადა.
მისი თქმით, ირანის რეჟიმის მიერ საკუთარი ხალხის წინააღმდეგ განხორციელებული ძალადობისა და რეპრესიების დონე „საერთაშორისო მშვიდობასა და უსაფრთხოებაზე უარყოფითად აისახება“.
„ირანის ხალხი თავისუფლებას ისე ითხოვს, როგორც არასდროს“, - განაცხადა უოლცმა.
მისი თქმით, უიარაღო, მშვიდობიანი ხალხი, რომელსაც უყვარს თავისი ქვეყანა, ქუჩაში გამოდის უკეთესი მომავლისთვის.
„პრეზიდენტი დონალდ ტრამპი და ამერიკის შეერთებული შტატები ირანის მამაცი ხალხის გვერდით დგას. ტრამპმა ნათლად განაცხადა, რომ ის არ მოითმენს და არც საერთაშორისო საზოგადოებამ უნდა მოითმინოს უდანაშაულო ადამიანების ქუჩებში ხოცვა-ჟლეტა“, - აღნიშნა მან.
უოლცმა განაცხადა, რომ ტრამპის მიერ რომ ყველა ვარიანტი განიხილება ხოცვა-ჟლეტის შესაჩერებლად.
