აშშ-ის პრეზიდენტმა დონალდ ტრამპმა კიდევ ერთხელ გაიმეორა, რომ აშშ-ს გრენლანდია ეროვნული უსაფრთხოებისთვის სჭირდება და რომ დანია არ შეიძლება იყოს კუნძულის თავდაცვის საიმედო გარანტი.
ამის შესახებ მან თეთრ სახლში ჟურნალისტებთან საუბრისას განაცხადა.
ტრამპის კომენტარები ვაშინგტონში აშშ-ის, დანიისა და გრენლანდიის წარმომადგენლებს შორის შეხვედრის შემდეგ გაკეთდა.
„გრენლანდია ძალიან მნიშვნელოვანია ეროვნული უსაფრთხოებისთვის, მათ შორის დანიის უსაფრთხოებისთვისაც.
პრობლემა ის არის, რომ დანია ვერაფერს გააკეთებს, თუ რუსეთი ან ჩინეთი გრენლანდიის ოკუპაციას გადაწყვეტს, მაგრამ ჩვენ ყველაფრის გაკეთება შეგვიძლია. თქვენ ეს გასულ კვირას ვენესუელას შემთხვევაშიც ნახეთ“, - თქვა ტრამპმა.
