ეკონომიკის საკითხებში ექსპერტის, სანდრო თვალჭრელიძის შეფასებით, საქართველოში ანტიმონოპოლიური სამსახურის აღდგენა აუცილებელია. ამის შესახებ თვალჭრელიძემ პარლამენტში "ქრისტიან-დემოკრატებთან" ეკონომიკის ექსპერტების წარმომადგენლებთან შეხვედრაზე განაცხადა.
"ეკონომიკის და ტურიზმის განვითარებაზე დღეს უფრო მეტი თანხა იხარჯება, ვიდრე ეკონომიკის განვითარებისთვისაა საჭირო. თუმცა ეს თანხა არასისტემურადაა დახარჯული, რაც ეკონომიკის აღდგენას არ შეუწყობს ხელს", - აღნიშნა ექსპერტმა.
თვალჭრელიძის შეფასებით, ქართული ეკონომიკის აღორძინებისთვის აუცილებელია შეიქმნას ეკონომიკის განვითარების ფონდი, რომელიც ნახევრად სახელმწიფო იქნება და ნახევრად კომერციული და 15 წლის ვადით 4%-იან იაფ კრედიტებს გასცემს.
"აღნიშნული ფონდი საქართველოს მოქალაქეებსაც ისეთივე პირობებში ჩააყენებს, როგორშიც უცხოელი ინვესტორები არიან. ასევე, აუცილებელია აღდგეს ანტიმონოპოლიური სამსახური და უნდა შეიქმნას ქართული ექსპორტის სააგენტო", - აღნიშნა მან.
ეკონომიკის ექსპერტის შეფასებით, ბუნებრივ მონოპოლიებში უნდა განახლდეს საჯარო პრინციპით შექმნილი მარეგულირებელი მარეგულირებელი კომისიის მუშაობა.
