უკრაინის ეროვნული უსაფრთხოებისა და თავდაცვის საბჭო უარყოფს გავრცელებულ ინფორმაციას, რომ უკრაინის ეროვნული უსაფრთხოებისა და თავდაცვის საბჭოს მდივანმა რუსტემ უმეროვმა ქვეყნა დატოვა.
„ბოლო რამდენიმე დღის განმავლობაში გავრცელდა ცნობები, რომ უკრაინის ეროვნული უსაფრთხოებისა და თავდაცვის საბჭოს მდივანმა, რუსტემ უმეროვმა, თითქოს ქვეყანა დატოვა და უარს ამბობს უკრაინაში დაბრუნებაზე. ეს ინფორმაცია სიმართლეს არ შეესაბამება“, - აღნიშნულია უწყების ინფორმაციაში.
აღნიშნულია, რომ ეროვნული უსაფრთხოებისა და თავდაცვის საბჭოს მდივანი დაგეგმილ სამსახურებრივ მივლინებაში იმყოფება.
დეზინფორმაციასთან ბრძოლის ცენტრის განცხადებით,17 ნოემბრის მონაცემებით, უმეროვი შეერთებულ შტატებში მუშაობს, სადაც „ატარებს სამუშაო კონსულტაციებისა და შეხვედრების სერიას, რომლებიც მიზნად ისახავს უკრაინისთვის საერთაშორისო მხარდაჭერის გაძლიერებას“.
„რუსტემ უმეროვი მუდმივ სამუშაო კონტაქტზეა სახელმწიფოს ხელმძღვანელობასთან, ასრულებს ყველა დაკისრებულ დავალებას და აგრძელებს მუშაობას უსაფრთხოების, თავდაცვისა და ჰუმანიტარული პოლიტიკის ძირითად საკითხებზე. ჩვენ ვთხოვთ მოქალაქეებს და მედიას, არ გაავრცელონ დაუდასტურებელი ინფორმაცია, რომელსაც შეცდომაში შეჰყავს საზოგადოება და ემსახურება უკრაინის წინააღმდეგ საინფორმაციო ოპერაციების ინტერესებს,“ - აღნიშნულა ცენტრის ინფორმაციაში.
