აქციებისას ნარკოდანაშაულის ბრალდებით დაკავებული ექიმი გიორგი ახობაძე,რომელიც სასამართლომ გაამართლა და გაათავისუფლა, ამბობს, რომ ფიზიკურად გაუსწორდნენ.
"აეროპორტიდან ამეკიდა შავი პრადო. ტაქსის გადაუჭრა გზა, გადმოხტნენ ვიღაც ტიპები, პოლიციიდან ვართ, ღონისძიება ტარდებაო. კარი გამიღეს უკნიდან და ფიზიკურად გამისწორდნენ. ეგენი არიან ლაშა ბასლანძის სამეგობროს მოგზავნილი ტიპები ან თვითონ ეგენი.
რომ ვიძახი, რომ ტერორირისტები არიან მეთქი, არიან ტერორისტები" - ამბობს ახობაძე Facebook-ზე გავრცელებულ LIVE-ში.
მოგვიანებით, ახობაძემ დაწერა, რომ თითქმის ორი საათით ადრე გამოძახებული პოლიცია ჯერაც არ იყო ადგილზე მისული.
"05:49-ზე ზარი შემოგივიდათ.. უკვე 07:35-ია. 10 კმ-იაო მანძილიო და გზაში ვართო. რითი მოდიხართ. ურმითაც მოხვიდოდით უკვე. სასწრაფო იყო უკვე. მე კარგად ვარ და ასე ვიქნები სულ, მაგრამ თქვენ რა გეშველებათ… ვემსახურები საქართველოსო და ემსახურებით ტერორისტებს.. კრიმპოლი აღარ არსებობს ამ ქვეყანაში. იმის უფლება მაინც მოგვეცით, ჩვენ თვითონ დავიცვათ თავი! რას დაგამსგავსათ ბორინკამ.. რა საცოდავი საყურებელია გაუპატიურებული პოლიცია. იმის მაგივრად, შეიარაღებულ ჯგუფურ ძალადობაზე და თავდასხმაზე მეკითხებოდეთ და კამერების ჩანაწერებს იღებდეთ, ფისასოს ზღაპარში ვართ" - წერს ახობაძე.
