აშშ-ის სენატმა კვლავ ვერ მიიღო დემოკრატებისა და რესპუბლიკელების მიერ მთავრობის დაფინანსების და მთავრობის დახურვის დასრულების შესახებ წარდგენილი წინადადებები, რაც იმას ნიშნავს, რომ ე.წ. შათდაუნი გრძელდება.
დემოკრატების მიერ წარმოდგენილი კანონპროექტი, რომელიც მთავრობის დაფინანსების გაგრძელებას ითვალისწინებდა, 45 ხმით 50-ის წინააღმდეგ ჩავარდა, ხოლო რესპუბლიკელების ვერსიას მხარი 52 სენატორმა დაუჭირა 42-ის წინააღმდეგ.
დემოკრატები მოითხოვენ, რომ კანონმდებლობა ჯანდაცვის საკითხებსაც მოიცავდეს, რესპუბლიკელები კი დაფინანსების "სუფთა“ კანონპროექტს მოითხოვენ.
დემოკრატები უარს ამბობენ რესპუბლიკელების წინადადების მხარდაჭერაზე, რადგან, მათი თქმით, ეს ზღუდავს სამედიცინო მომსახურების ხელმისაწვდომობას დაბალშემოსავლიანი ამერიკელებისთვის. რესპუბლიკელები კი შათდაუნში დემოკრატებს ადანაშაულებენ.
