"ლეიბორისტები" ხელისუფლებას გადაზიდვების მონოპოლიზაციაში ადანაშაულებენ. პარტია მთავრობის იმ გადაწყვეტილებას აპროტესტებს, რომლის მიხედვითაც, ვაჭრობისთვის განკუთვნილი საქონლის საქართველოში შემოტანა მხოლოდ სატვირთო ტრანსპორტით იქნება შესაძლებელი.
"მოვაჭრეებს არ აქვთ საშუალება, სატვირთო ავტომობილები დაიქირავონ, რაც ავტომატურად სამუშაო ადგილების შემცირებას გამოიწვევს", - განაცხადა პარტიის ერთ-ერთმა ლიდერმა კახა ძაგანიამ დღეს გამართულ ბრიფინგზე.
"ლეიბორისტები" მოითხოვენ, რომ ვაჭრობისთვის განკუთვნილი საქონლის შემოტანაზე დაწესებული აკრძალვა სასწრაფოდ გაუქმდეს.
