სუბსიდიების გარეშე, ილონს, სავარაუდოდ, მოუწევს კომპანიის დახურვა და სახლში, სამხრეთ აფრიკაში დაბრუნება, - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
„ილონ მასკმა ვიდრე ასე მტკიცედ დამიჭერდა მხარს, როგორც პრეზიდენტს, დიდი ხნით ადრე იცოდა, რომ მე კატეგორიულად ვეწინააღმდეგებოდი ელექტრომობილების მანდატს. ეს აბსურდულია და ყოველთვის ჩემი საარჩევნო კამპანიის მნიშვნელოვანი ნაწილი იყო. ელექტრომობილები კარგია, მაგრამ ყველას არ უნდა აიძულებდნენ მის ფლობას. შესაძლოა, ილონმა ისტორიაში ნებისმიერ ადამიანზე მეტი სუბსიდია მიიღო და სუბსიდიების გარეშე, ილონს, სავარაუდოდ, მოუწევს კომპანიის დახურვა და სახლში, სამხრეთ აფრიკაში დაბრუნება. აღარავითარი რაკეტების გაშვება, თანამგზავრები ან ელექტრომობილების წარმოება და ჩვენი ქვეყანა დიდ ქონებას დაზოგავს. იქნებ მთავრობის ეფექტიანობის დეპარტამენტმა (DOGE) კარგად უნდა შეხედოს ამას? - დიდი თანხა დაიზოგება!!!”, - წერს ტრამპი.
