აშშ-ის პრეზიდენტმა დონალდ ტრამპმა Fox News-თან ინტერვიუში განაცხადა, რომ მან წინასწარ იცოდა ისრაელის ირანზე თავდასხმის გეგმების შესახებ, თუმცა აღნიშნა, რომ შეერთებული შტატები ოპერაციაში არ მონაწილეობდა.
მისი თქმით, ვაშინგტონი ელოდება, განახორციელებს თუ არა თეირანი საპასუხო ზომებს, აშშ-ის ცენტრალური სარდლობა (CENTCOM) მაღალ მზადყოფნაშია, განაცხადა მან.
ტრამპმა განაცხადა, რომ აშშ დაიცავს თავს და ისრაელს, თუ ირანი საპასუხო ნაბიჯს გადადგამს.
„ჩვენ არ შეგვიძლია ირანს ბირთვული ბომბის მიღების უფლება მივცეთ და ვიმედოვნებთ, რომ მოლაპარაკებების მაგიდასთან დავბრუნდებით. ვნახოთ“, - თქვა ტრამპმა.
ისრაელში ცოტა ხნის წინ განაცხადეს, რომ ირანის ბირთვულ სამიზნეებს დაარტყეს. ისრაელის თავდაცვის მინისტრის, ისრაელ კაცის თქმით, ისრაელმა ირანზე დარტყმა დაიწყო და ისრაელში „განსაკუთრებული საგანგებო მდგომარეობა“ გამოცხადდა. ისრაელის პრემიერ-მინისტრ ბენიამინ ნეთანიაჰუს თქმით, ისრაელმა დაიწყო ოპერაცია „აღმავალი ლომი“, მათი პილოტები ირანის მასშტაბით უამრავ სამიზნეს ესხმიან თავს და ოპერაცია გაგრძელდება, მანამდე, ვიდრე საჭირო იქნება.
