ბოლო ერთი დღე-ღამის განმავლობაში იაშვილის სახელობის ბავშვთა კლინიკაში კიდევ ოთხი პაციენტი შეიყვანეს. ამ დროისათვის ლაბორატორიულად ვირუსის 180 შემთხვევაა დადასტურებული, მათგან 135 ადამიანს H1N1 დაუდასტურდა.
კლინიკა მედიკოსების განცხადებით პაციენტთა მისაღებად მზადაა, მობილიზებულია პერსონალი და მედიკამენტების სრული მარაგი არსებობს.
დაავადებათა კონტროლის ეროვნულ ცენტრში აცხადებენ, რომ შარშანდელთან შედარებით წელს ვირუსით დაავადებულ ადამიანთა რიცხვი არ გაზრდილა. ლაბორატორიულად დადასტურებული გრიპით დაავადებული ადამიანების რაოდენობა არის 180 აქედან 135 არის H1N1 და 8 გარდაცვლილი.
