"ქართული დასის" ლიდერი ჯონდი ბაღათურია სასჯელაღსრულების დაწესებულებებში სასტუმრო ტიპის შენობების მშენებლობის დასრულებას მიესალმება.
ამის შესახებ ბაღათურიამ დღეს გამართულ პრესკონფერენციაზე განაცხადა.
მისი თქმით, სასჯელაღსრულების 3 დაწესებულებაში ინფრასტრუქტურა სწორედ "ქართული დასის" მოთხოვნით მოწესრიგდა, ხოლო პატიმრები გრძელვადიანი პაემნებით თებერვლის მეორე ნახევრიდან ისარგბლებენ.
ამასთან, მისივე თქმით, "ქართული დასი" საგაზაფხულო სესიის პირველ პლენალურ სხდომაზე პირობით ვადაზე ადრე გათავისუფლების შესახებ საკითხს დააყენებს, რომელიც სასჯელის განახევრებას ითვალისწინებს.
