"ქოლცენტრში" შესულ შეკითხვებს, რომელსაც პრეზიდენტმა გუშინდელი ტელეხიდისას ვერ უპასუხა, პასუხი ეტაპობრივად გაეცემა.
როგორც "ქოლცენტრში" აცხადებენ, მოსახლეობის ყველა შეკითხვა პრეზიდენტის ადმინისტრაციის პრესსამსახურს უკვე გადაეგზავნა.
"შეკითხვები პრეზიდენტის ადმინისტრაციის პრესსამსახურში გადავგზავნეთ და როგორც გვითხრეს, მიხეილ სააკაშვილი მათ ეტაპობრივად გაეცნობა და გასცემს პასუხს", - განმარტავენ "ქოლცენტრში".
აღსანიშნავია, რომ გუშინდელ ტელეხიდთან დაკავშირებით სპეციალურად პროექტისთვის "პრეზიდენტი პასუხობს ხალხს" შექმნილ ცხელ ხაზზე სულ 15 000-მდე ზარი შევიდა. ოპერატორების თქმით, შეკითხვათა უმეტესობა სოციალურ თემას შეეხებოდა.
მასალის გამოყენების პირობები
