საქართველოს და ირანის ისლამური რესპუბლიკის მთავრობებს შორის ორდინალური პასპორტების მფლობელთათვის ვიზების ორმხრივად გაუქმების შესახებ'2010 წლის 3 ნოემბერს გაფორმებული შეთანხმება ძალაში დღეიდან შევიდა.
საქართველოს საგარეო საქმეთა სამინისტროს ინფორმაციით, ნებისმიერი მიზნით მეორე მხარის ტერიტორიაზე უვიზოდ დარჩენა მხოლოდ 25 დღით არის შესაძლებელი.
შეთანხმების შესაბამისად, თითოეული მხარის მოქალაქე მეორე მხარის ტერიტორიაზე მრავალჯერადი შესვლის უფლებით ისარგებლებს. გარდა ამისა, მოქალაქეებს ტერიტორიიდან გასვლა და საერთაშორისო მიმოსვლისთვის განკუთვნილი საერთაშორისო სასაზღვრო-გამშვები პუნქტების გავლით ტრანზიტისა და მეორე მხარის ტერიტორიაზე დროებითი ყოფნა შეეძლებათ. თითოეული მხარის მოქალაქე მეორე მხარის ტერიტორიაზე პირველი შესვლის დღიდან ვიზის გარეშე ორმოცდახუთ დღემდე ყოფნის უფლებით ისარგებლებს.
