სომხეთის ავიაკომპანია "არმავიამ" ფრენების გრაფიკიდან თბილისი-ერევანის მიმართულება მოხსნა. აღნიშნულის მიზეზად, ავიაკომპანიის პრესსამსახურმა ავიარეისების არარენტაბელურობა დაასახელა. ბოლო რეისი ერევანი-თბილისის მიმართულებით 2011 წლის 13 იანვარს შესრულდა.
"რეისი არარენტაბელური და არაეფექტურია, ამიტომ ფრენებს ვწყვეტთ, თუ მოგვიანებით საჭიროება გაჩნდება, ჩვენ რეისებს განვაახლებთ"- განაცხადა ავიაკომპანია "არმავიას" პრესსამასახურის უფროსმა ნანა ავეტისოვამ.
სომხური მედიის ინფორმაციით, საქართველოს მოქალაქეები სომხეთში ძირითადად რუსეთში გადასაფრენად ჩადიოდნენ, რადგანაც პირდაპირი ავიამიმოსვლა რუსეთსა და საქართველო შორის შეწყვეტილი იყო. თუმცა ბოლო პერიოდში კი ავიაკომპანიები "აირზენა" და "სიბირი" ასრულებენ რეისებს მოსკოვსა და თბილისს შორის, შესაბამისად მოთხოვნა სომხეთიდან ფრენების განხორციელებასთან დაკავშირებით შემცირდა.
