"გამოგონებები არის მთავარი, რითიც საქართველომ უნდა გაითქვას სახელი", _ ამის შესახებ საქართველოს პრეზიდენტმა ტელეკომპანია "პირველი საინფორმაციო კავკასიურის" პირდაპირ ეთერში გამოსვლისას.
სააკაშვილი ქართველ ხალხს მოუწოდებს, რომ ახალი გამოგონებებისა და ახალი იდეების ექსპორტი განახორციელონ სხვადასხვა ქვეყნებში.
"მოგიწოდებთ, რომ გაიტანოთ ის საერთაშორისო არენაზე, ამისთვის არის კომპიუტერი, რათა სხვებს გაუზიაროთ თქვენი გამოგონებები, თუმც გარკვეული პირობებით, რათა არ მოხდეს მათ მოპარვა. ყველა სკოლაში ახლა ვიწყებთ გამომგონებლების ოლიმპიადას. ყველა მათგანს დავუწესებთ წამახალისებელ ფულად პრემიებს"- აცხადებს მიხეილ სააკაშვილი.
პრეზიდენტის განმარტებით, ახალ იდეებზე და ახალ გამოგონებებზე ფიქრი სკოლის შემდეგაც უნდა გაგრძელდეს.
"ჩვენ გვქონდა ასეთი ოლიმპიადები, რომელიც გაუქმებული იყო და ჩვენ აღვადგინეთ. ზუსტად ასე უნდა მოხდეს ქართული საინჟინრო ტექნიკური სკოლის შექმნა. დღეს საასპარეზო დარგები ეს არის საინჟინრო, არქიტექტურა და ყველაფერი ის რაც დაკავშირებულია შექმნასთან. ჩვენი მსოფლიოში გზა ინტელექტით უნდა გავიკვალოთ"- განაცხადსა მიხეილ სააკაშვილმა.
