კოსოვოში საპარლამენტო არჩევნები მიმდინარეობს, ეკონომიკური არასტაბილურობისა და ეთნიკურ ალბანელებსა და სერბებს სორის განახლებული დაძაბულობის ფონზე.
ეს არის პირველი საპარლამენტო არჩევნები, რომელიც დაგეგმილ დროს ტარდება, 2008 წლის შემდეგ, როცა კოსოვომ სერბეთისგან დამოუკიდებლობა გამოაცხადა. 2008 წლიდან 2021 წლამდე კოსოვოში სრული ვადით ვერცერთმა პარლამენტმა იმუშავა და გამუდმებით ვადამდელი არჩევნები იმართებოდა.
გამოკითხვებში ლიდერობს პრემიერ-მინისტრ ალბინ კურტის პარტია. მას მოსდევს კოსოვოს დემოკრატიული პარტია და კოსოვოს დემოკრატიული ლიგა.
კოსოვოს პარლამენტი ერთპალატიანი და 120-წევრიანია. მანდატების სრული რაოდენობიდან 20 მანდატი გათვალისწინებულია ეროვნული უმცირესობებისთვის, მათ შორის ნახევარი კოსოვოელი სერბებისთვის.
2021 წლის არჩევნებამდე ქვეყანას სამთავრობო კოალიციები მართავდნენ, რომელიც შედგებოდა კოსოვოს დემოკრატიული პარტიისა და კოსოვოს დემოკრატიული ლიგისგან.
2021 წლის არჩევნებში გაიმარჯვა ალბანურ-ნაციონალისტურმა სოციალ-დემოკრატიულმა პარტიამ, რომელსაც სათავეში უდგას ალბინ კურტი.
