დღეს ხარებას მოდელი აქვს ოცნებას, ესაა მისი კოლექტიური სახე, - ამის შესახებ ოპოზიციონერი პოლიტიკოსი ეკა ბესელია სოვიალურ ქსელში წერს.
მისი თქმით, მოძლადე ხელისუფლების წინააღმდეგ პროტესტის ფორმები და მასშტაბებია შესაცვლელი.
„ეს დღეებია სულ ვფიქრობ და ვდარდობ უკანონო ტუსაღებზე , მზია , ანდრო , ზვიადი ….. რომელი ერთი და ყველა ერთად და ცალ- ცალკე ისტორიაა ….
ამ დროის ისტორია , რომელსაც წერენ და ანტიგმირების ფონზე უფრო მეტად მკაფიოა მათი თავგანწირვის მაშტაბი …
ვფიქრობ და ვდარდობ ჩამოქცეულ მართლმსაჯულებაზე და სამართლადმცავის დანგრეულ იმიჯზე …
იძახეთ ახლა ,, პოლიციელი გმირია “ ….
და მიუხედავად იმისა , რომ იყვნენ და იქნებიან გმირები , დღეს ხარებას მოდელი აქვს ოცნებას, ესაა მისი კოლექტიური სახე ! საშინელებათა ფილმებიდან უნიჭოდ გადმოღებული მდაბიო ყალბი მანერები და სისასტიკით საკუთარი გამოფიტული ფიზიკური ძალის დემონსტრირება ….
,, პოლიციელი გმირია “ - გაიძახიან და მოწონთ ეს სურატი:
- მიგვარეს დატყვევებული ადამიანი ხარებას და კოლექტიურად ძალადობენ ბორკილებდადებულ ახალგაზრდაზე ….
და ვინ? სამართალდამცველები ….
ეს უსასტიკესი დანაშაულია და რამდენიმე წუთში იგივე მოძალადე გეტყვის - -გზის გადაკეტვა არ შეიძლება ! ჯარიმაა და დაკავებული ხართ ….
მოძალადე გეუბნება კანონს არღვევო …
გროტესკია …
სიშლეგეში გადასული მოცემულობაა რაც ხდება !
არავითარი უფლება აღარ აქვთ ამ უწყებებს და პირველ რიგში ჯალათ მოსამართლეებს , ვინც ამას აკანონებს , რომ მიგვითითონ რა დავარღვიეთ ან რა უნდა გავაკეთოთ !
ეს ადამიანები დამნაშავეები არიან და უდანაშაულო ადამიანებს დამნაშავეები ასამართლებენ!
მათ მეხოტბეთა გასაგონად :
მოვესწარი და მახსოვს მხედრიონის თარეში … ადვოკატი ვიყავი ალავიძის პერიოდის პოლიციას ადამიანის უფლებების გამო , რომ მუდმივად ვებრძოდი … გამოვიარე ვანო მერაბიშვილის და ახალაიას სასტიკი მეთოდებიც და იმ რეჟიმთან ბრძოლას წლები შევალიე …
ამის შეხსენება ,, ქოცების “ მეხოტბეებთან სულ საჭიროა პორტირების პროცესში რომ ავიწყდებათ მათივე წარსულის მდაბიო კომფორმიზმი!
დღეს ოცნებამ წარსულის გაკვეთილებიდან რაიმეს გააზრების ნაცვლად , ყველა უმსგავსო, ამაზრზენი მეთოდი გადმოიბარა, გარსი მეტად უსახური და უნიჭო ფორმით ყველაზე კომიკურ პერსონებს მოარგო !!!
არა, ასე ვერ გაგრძელდება !
აწ უკვე არაპროპორციულია ჩვენი პროტესტის ფორმები ამ სისასტიკისა და კოლექტიური მოძალადეების წინააღმდეგ …
პროტესტის მაშტაბი და ფორმების ცვლილება აუცილებელია …“ - წერს ბესელია
